Guðrúnar Blogg

Jæja þá má búast við að litla prinsessan mín komi í næstu viku :)

Ég náttúrulega með gallsýrur á meðgöngu og eins og með litla prins sett af stað á 37 viku. Þetta kemur samt allt í ljós þar sem að mikill sparnaður er í heilbrigðiskerfinu og því jafnvel líklegt að þeir geri allt til þess að setja ekki fólk af stað nema alveg í verstu neyð ????

Annars læknirinn bannaði mér að vinna svo ég er að reyna að hvíla mig. Ég á erfitt með það en reyni eins og ég get.

Hefði alveg viljað vinna lengur en hefði þá sennilega þurft að vera í vinnunni og gera ekki neitt :) Bara horfa á hina. Ég er frekar máttlaus og sef illa þessa dagana og hefði sennilega ekki verið mikil hjálp fyrir samstarfsmenn mína :)

Verð með frekari upplýsingar á næstunni svo endilega fylgist með :::::

Kv. Guðrún Helga.

Síðustu nætur hafa verið frekar svefnlitlar vegna mikilla verkja. Þetta eru auðvitað bara einhverjir æfingarverkir og því ekki víst að eitthvað sé að gerast núna  á næstunni :)

Þetta er víst bara það sem fylgir þessu ástandi mínu núna þessa stundina

Hér set ég eina mynd inn af mér bara af gamni

Maður nokkur var lagður inn á Klepp þar sem hann stóð á því fastar en fótunum að hann væri rotta. Eftir nokkurra vikna meðferð sannfærðist maðurinn um að hann væri hreint engin rotta og skömmu síðar var hann úrskrifaður. Hann kvaddi lækninn í dyrunum og gekk út, en skyndilega sneri hann sér við og hrópaði til læknisins: “Hjálp ! það er köttur þarna fyrir utan!”
Vertu bara rólegur, sagði læknirinn róandi. Þú veist ósköp vel að þú ert enginn rotta lengur.
“Já, ég veit það og þú veist það. En spurningin er veit kötturinn það?” sagði maðurinn

Sp: Hvaða eiginkonur vita nákvæmlega hvar mennirnir sínir eru staddir?

Sv:Ekkjur

Ég er ein af þessum heppnu sem að voru að klára skólann því ég fékk vinnu í kreppunni. Ég er farin að kenna líffræði sem að er ekki mitt fag. Hinsvegar bauðst mér þessi vinna og ég tók hana vegna hræðslu um að fá ekkert að gera eins og margir í kringum mig eru að lenda í.

MS ritgerðin mín er tilbúin og ber nafnið #Við eigum að vera dálítið þakklát fyrir að þau vilji koma til okkar í vinnu"

Í verkefninu er leitast við að finna svör við spurningunni: Hvernig birtist viðhorf og sýn stjórnenda til kynslóðar Y?

núna er bara að bíða og sjá hvað ég fæ út úr meistarastykkinu mínu en ég á eftir að verja það.

Bið að heilsa þangað til næst. Kv af Háteigsveginum.