Gay Pride

Til hamingju allir vinir og vandamenn með daginn góða. Gangan var bara flottust í ár og alltaf gaman að sjá þennan viðburð. Við Þór Jökull skelltum okkur í gönguna með mömmu, Ellu, Heklu Björt, Kötu, Hinrik, Ólínu og Guðnýu. Seinna hittum við Hörpu og Anettu niðrí bæ. Þetta var fjör að vanda og æðislega gaman. Það er alltaf gaman að sjá bílana sem að mikið er lagt í Skjöldur og Palli áttu nú flottustu bílana já og Auðvitað Pakas líka. Við enduðum á París og fengum okkur í gogginn svo löbbuðum við heim í yndislegu veðri. Mjög góður dagur með góðum hópi.

Takk þangað til næst kv af Háteigsvegi

Vika í vinnulok

Jæja þá fer að koma er komið að vinnulokum hjá Vinnuskólanemum. Sumarið hefur flogið áfram með allskonar uppákomum og gleði í hjarta. Allir höfðu það gott í sumar og héldu laugardalnum og nágrenni arfalausum í sumar. Ég er bara stolt af öllum hópnum mínum.

Annars er allt gott að frétta héðan af Háteigsveginum drengurinn er farinn að tala mikið og gleður hjarta foreldra sinna mjög með orðum sínum. Núna fer að koma að því að hann fari aftur til dagmömmunnar sinnar en hún er búin að vera í fríi í 2 mánuði. Ég held að litli gaurinn minn verði ekkert smá fegin að komast úr foreldrahúsum hehe og aftur til Gísellu ömmu.

Ég fer svo í próf 18 ágúst (ekkert nýtt alltaf í prófum) og svo byrjar bara skólinn. Ég ætla að slaka á í smá tíma og byrja svo fíldjörf á masternum mínum.

Að lokum minni ég alla á gönguna á morgun og vonandi sé ég sem flesta þar. Þangað til seinna kveðja frá Háteigsvegi.

Brjál að gera

Jæja þá er loksins komið að fyrsta kvöldinu mínu í langan tíma þar sem að ég hef ekkert að gera annað en að leika mér í tölvunni og horfa á sjónvarpið. Það er ekkert grín að vera yfirmaður á vinnustað og í rauninni tekur það job allan mans tíma. Ég er ekki viss um að ég nenni að leggja þennan starfsframa fyrir mig þó svo að þetta sé rosalega skemmtilegt og þroskandi. Í rauninni hættir vinnutíminn aldrei en maður fær samt bara borgað fyrir vissan tíma (ekki allan sólarhringinn). Ég hef í rauninni voðalega lítinn tíma fyrir mig og mína (t.d hef ég voða lítið séð af vinkonum mínum í sumar og það er ekki venjulegt). Þetta er samt alveg yndislegur tími og ég kem helmingi sterkari og fróðari út úr þessu sumri heldur en oft áður.

Góða helgi öllsömul.

 

Tónleikar

Fjölskyldan skellti sér á tónleika í gær þar sem að verið var að vekja fólk til umhugsunar um náttúru Íslands.

Hápunkturinn var auðvitað nýja efni Sigurrósar og svo auðvitað sjálf drotningin hún Björk sem var ótrúleg að vanda. Við skemmtum okkur konunglega í góðra vina hóp og Þór Jökull var auðvitað flottastur enda erlendir ljósmyndarar að taka myndir af prinsinum sem vakti mikla athygli fyrir bros og hlátur.

Það góða við þetta allt saman var að þarna gátum við skemmt okkur öll fjölskyldan saman í góðra vina hóp og ekki skemmir það að í leiðinni vorum við að styðja gott framtak.

Hérna koma nokkrar myndir af okkur á tónleikum.

Baráttukveðjur frá okkur

Sjúklega hrædd við tannlækna

 

 

Jæja ég fór í dag að láta fjarlægja síðasta endajaxlinn hjá mér. Ég svitnaði í allan dag yfir þessu. Ég reyndi að finna mér öll möguleg verkefni að gera í vinnunni bara til að hugsa ekki um þetta. Þegar ég mætti loksins til tannlæknisins klukkan 3 í þessa töku þá tók þetta tannsa aðeins 15 mín. Og í rauninni var þetta ekkert mál ég bara fæ áfall við það eitt að hugsa um tannlækna. Minn tannlæknir er samt einn ljúfasti í bænum og gerir allt mjög vel. Allavega sá ég ekki einn blóðdropa og fann ekkert til Þegar hann spurði hvort ég vildi eiga jaxlinn þá sagði ég bara nei takk. En hvað um það núna er þetta bara búið og ég þarf aldrei að gera þetta aftur..

BROS kveðja frá mér

 

Sól sól skín á mig !!!!!!!!

Vá hvað við erum heppin með veður núna. Sumarið byrjar bara með endalausri sól (HEHE).

Ég ætla samt ekki að kaupa sumarbuxur því það að ég kaupi sumar eitthvað boðar bara ólukku.

Þegar veðrið er gott þá gengur allt vel (eða er það þannig í Vinnuskólanum). Dagarnir líða hratt þegar mikið er að gera. En núna fer allt að komast í góðar skorður hjá okkur þar sem að starfið hefur gengið í tvær vikur hjá nemendum Vinnuskólans.

Ég verð að segja fyrir mína parta þá geri ég lítið annað en að vinna og vera með drenginn þegar ég kem heim. Vinnan mín felst í að stjórna 1/4 af Reykjarvíkursvæðinu, þá bæði leiðbeinendum og nemendum. Síminn minn stoppar stundum ekki allan daginn en þó er daga mismunur á því. Ég hélt að ég væri komin með heilaæxli en þá var ég í rauninni bara með sár í eyranu vegna heyrnatólsins sem að ég nota til að heyra og tala í símann (Fyndið) því það að tala í síma er mikill kostur hjá mér svo því í rauninni er þetta kjörið starf fyrir mig. Enda finnst mér gaman í vinnunni allir eru svo skemmtilegir og stemmingin er góð.

Vonandi fáum við að njóta góðs sumars hér á Íslandi mér finnst við eiga það skilið í kreppunni og öllu bananalýðveldinu sem að er í gangi hér á landi.

Vonandi hafa allir það gott í sumar...sumar keðja frá okkur

 

Y kynslóðin

Þá er komið að meistara verkefninu mínu. Núna er bara málið að bretta upp ermar og gera rannsóknaráætlun.

Verkefnið mitt verður um Y kynslóðina góðu. Þetta er mjög áhugavert efni og hefur lítið verið rannsakað hér á landi. En í Bandaríkjunum er mikið verið að skoða þetta efni.

Raunin er að við lifum í síbreytilegum heimi. Það sem er öruggt er að ekkert stendur í stað. Áhrif tölvu- og fjarskiptatækni í heiminum fer vaxandi og þjóðfélagið breytist með. Möguleiki er á því að stjórnendur fyrirtækja þurfi að breyta stjórnun sinni í samræmi við þessar breytingar.Einnig þurfa fyrirtæki jafnvel að huga meira að mannauðnum heldur en nokkru sinni fyrr. Spurningin er hvernig fara fyrirtæki að því að koma til móts við kröfur nýrrar kynslóðar á vinnumarkaðnum eða y kynslóðarinnar eins og hún er kölluð.Y kynslóðin eða  echo boomers inniheldur fólk fætt á árunum 1982-1995. Þessi kynslóð er velmegunarkynslóð hámenntuð, fjölþjóðlegri og tæknifærari en nokkur önnur kynslóð. Þetta er hugsanlega kynslóð sem mun gera kröfu um jafnvægi milli einkalífs og vinnu. Kynslóð Y mun líklega gera kröfu um símenntun semlykil að frama sínum. Y kynslóðin er öðruvísi en aðrar kynslóðir; metnaðargjörn, kröfuhörð og sjálfstæð. Hollustan og trúnaðurinn er fyrst við fjölskyldu, vini, samstarfsfélaga og samfélagið - fyrirtækið sem þau vinna hjá er neðarlega á lista. Y kynslóðin er ekki lengur í startholunum, hún er komin inn á vinnumarkaðinn og krefst athygli. Bandaríska viðskiptatímaritið Fortune fjallar í nýlegri grein um Y kynslóðina á vinnumarkaðnum - fólkið undir þrítugu sem eru allir vegir færir. "Þessi kynslóð er sú þurftafrekasta á vinnumarkaði fyrr og síðar," er haft eftir sérfræðingi í rannsóknum á því sviði í greininni, "góðu fréttirnar eru hins vegar þær að hún mun verða sú afkastamesta. Krakkar á þessum aldri hafa bæði meiri upplýsingar á hraðbergi en fyrri kynslóðir og mun auðveldari aðgang að þeim."Fyrirtækin þurfa að grípa til nýrra ráða til að nálgast og ráða Y kynslóðina. Internetið er að sjálfsögðu það mikilvægasta, sem og sms en það sem vekur mesta athygli er að leiðin að Y kynslóðinni er m.a. í gegnum foreldrana, segir í greininni. Og til að halda þessari kynslóð í vinnu þarf að grípa til sömu ráða og foreldrarnir; ást, umhyggja og hvatning. Hollusta ungs fólks við vinnustaðinn byggist á því sambandi sem það hefur við yfirmenn og samstarfsmenn. http://money.cnn.com/magazines/fortune/fortune_archive/2007/05/28/100033934/index.htm

Mjög áhugavert efni og vonandi tekst mér að koma þessu vel til skila.

Kv í bili og vonandi hafið þið það gott í sumar..........

Skólinn búinn í bili

Sumar í vændum og vinnan tekin við.

Þá eru það bara Vinnuskólinn og allir krakkarnir þar.  Nóg að gera við að starta sumrinu með öllum nemendunum og leiðbeinendum. Þetta er alltaf fjör tímabil hjá okkur í Vinnuskólanum. Fjörliðar vinnuskólans komnir á kreik.

Ég vil bara koma því að að ég hef innilega samúð með fólkinu sem býr í Hveragerði og þar í kring. Ég var mjög hrædd í skjálftanum sjálf og var hér í Reykjavík.

Annars er allt gott að frétta héðan. Drengurinn er loksins byrjaður að labba 15 mánaða gamall.

Ég hef góða tilfinningu fyrir sumrinu og held að þetta eigi eftir að verða æðislegt sumar mikil sól og mikill hiti.

Kv Guðrún Helga.

góð leið fyrir karmenn sem vilja fara í megrun.

Steini minn var eitthvað að tala um hvort ekki væri mál að fara í megrun !!!!!

Ég eins jákvæð og vanalega sagði honum frá aðferð sem að ég er nýbúin að heyra um hér kemur lýsing á þessari aðferð .

 

Megrun fyrir karlmenn

Maður hringir í fyrirtæki og pantar hjá þeim "misstu 5 kg á 5 dögum" pakkann.

Daginn eftir er barið á dyrnar hjá honum og fyrir utan stendur íturvaxin 19 ára snót í engu nema Nike hlaupaskóm. Um hálsinn á henni hangir skilti sem á stendur "Ef þú nærð mér, þá máttu eiga mig".

Hann lætur ekki segja sér það tvisvar og stekkur á eftir henni. Eftir nokkra kílómetra er hann orðinn móður og másandi og gefst upp. Sama stúlkan mætir á þröskuldinn hjá honum næstu 4 dagana og það sama gerist í hvert skipti. Á fimmta degi vigtar félaginn sig, og viti menn, hann hefur misst 5 kg.

Hæstánægður með árangurinn hringir maðurinn aftur í fyrirtækið og pantar hjá þeim
"misstu 10kg á 5 dögum" pakkann.

Næsta dag er bankað á dyrnar og fyrir utan stendur einhver sú fallegasta og kynþokkafyllsta kona sem hann hefur á ævinni séð. Hún er eingöngu klædd í Reebok hlaupaskó. Um hálsinn á henni hangir skilti sem á stendur "Ef þú nærð mér, þá máttu eiga mig".

Eins og elding tekur hann á rás á eftir skvísunni. Hún er auðvitað í fantaformi og þó hann reyni sitt besta nær hann henni ekki. Næstu fjóra daga heldur þessi rútína áfram og hann kemst smám saman í betra form. Á fimmta degi vigtar hann sig og sér til ómældrar gleði hefur hann misst 10 kg.

Hann ákveður að leggja allt í sölurnar og hringir og pantar "misstu 25 kg á 7 dögum" pakkann. "Ertu alveg viss?"spyr sölumaðurinn " Þetta er erfiðasta prógrammið okkar"

"Ekki spurning" svarar félaginn, "mér hefur ekki liðið svona vel í mörg ár".

Daginn eftir er barið á dyrnar, og þegar hann opnar stendur risastór, helmassaður karlmaður fyrir utan í engu nema bleikum hlaupaskóm.
Um hálsinn á honum hangir skilti sem á stendur "Ef ég næ þér, er rassinn á þér MINN!"

Félaginn missti 32 kg í þeirri viku.

 

Bara smá grín héðan þar sem að prófleiðinn er að drepa mig.

Kv frá Háteigsveginum.

eitt próf eftir

Jibbí 3 búin.

Stefnumiðuð stjórnun er næst á dagskrá hjá mér. En það hefur verið eitthvað lítið um lærdóm hér því að litla skinnið mitt er veikur. Bretti upp ermar á morgun og byrja að læra.

skelli inn nokkrum 5 aura brandörum til að létta okkur lífið hehe.

Hún Stína litla...

... er svo grönn að í hvert skipti sem hún fer niður að Tjörn kasta endurnar brauði í hana.

Smáauglýsing:

Bolabítur til sölu. Borðar hvað sem er. Hefur mjög gaman af börnum

 

Vonandi hafið  þið það gott um Hvítasunnuhelgina.

Kv frá Háteigsveginum