Radísufundur

Loksins eftir sumarfrí eru radísufundirnir komnir á aftur (Skvísubandalagið) hittist á Vegamótum á miðvikudögum kl 18 og auðvitað eins og alltaf er mikið spjallað um heima og geyma. Þetta er svo gott fyrir sálina að hitta vinkonurnar alltaf örugglega 1 sinni í viku og hella úr skálunum eða bara slúðra. Eins og ávalt er góð mæting og við hljómum eins og fuglabjarg það er svo mikið sem þarf að komast að (yndislegt). Skvísurnar mínar eru bara þær bestu í heiminum við höfum fylgst að í blíðu og stríðu síðustu 10-15 árin og við fáum aldrei leið á þeirri fylgd. Sterkur hópur þarna á ferð.

Einkaþjálfunin er í fullum gangi. Ég hef mætt 2 og líkaminn minn er mikið þreyttur eftir þessa áreynslu. Það er bara gott fyrir utan það að það er soldið erfitt að halda á lilla því ég er bara búin í höndunum. Maginn og lappirnar eru þó í betri málum svo ég verð bara að reyna að keyra mikið með vagnin þessa dagana. Líta á björtu hliðarnar.....Matardagbókin er í góðum málum og mér líður bara mjög vel með þetta allt saman. Vona bara að það haldist.

Verð bara að mæla með þessu framtaki mínu við ykkur sem að kíkið á síðuna mína.......

Vonandi hafið þið það gott......