Flensan

 

Ég hef legið í flensunni núna síðustu daga og í dag er ég svona aðeins að hressast. Þetta er nú meiri flensan og það hafa farið margir panodil hot pokarnir hjá mér ásamt nefdropum og hósta mikstúru á síðustu dögum. Í rauninni hef ég alveg verið frá. Hausinn er en þungur en ég er samt svona að koma til og hef aðeins þurft að fá mér panodil hot tvisvar sinnum í dag. Ég hef haft mikið samviskubit þar sem að ég hef lítið getað sinnt drengnum mínum sem að hefur sjálfur verið slappur með hor og glansandi augu litla krílið. 

Skólinn hefur setið á hakanum þrátt fyrir að ég hafi mætt í tímana. Ég veit nákvæmlega ekkert hvað hefur verið að gerast þar og ég sofnaði í fyrilestri í gær en það hefur ekki gerst í há herrans tíð. Allt vegna kvefs. Ég verð að vinna það upp núna um helgina.

Vona að sem flestir hafi sloppið við þessa vondu flensu....

Þangað til næst hafið þið það gott.